Poslovne vesti - Makedonija

„Уника лајф“ - нова компанија за животно осигурување

„Уника лајф Македонија“ е нова осигурителна компанија на македонскиот пазар на животното осигурување, која вчера на прес-конференција најави повеќе производи за нашите граѓани.

За раководството на „Уника Македонија“, ова е уште еден успех и со тоа се дополнува работата на компанијата.

- Лиценцата што ја добивме значи проширување на палетата производи на македонскиот пазар - рече Оливера Бохм, директор на „Уника лајф Македонија“.

Според претседателот на Надзорниот одбор на „Уника Македонија“, Авни Понари, во Македонија не се толку присутни производите од животното осигурување, во Европа нема граѓанин кој не поседува барем еден пакет.

Во Македонија, според постојни податоци, само 2 отсто од населението има животно осигурување.

Минатата година „Уника Македонија“ имаше пораст од 16 отсто, а во првиот квартал од годинава има пораст за 13 проценти.